952-1965. De Ekin a ETA izan zen Txalaparta argitaletxea 1993an argitaratzen hasi zen ETAren historiari buruzko entziklopediaren lehen liburukia. Gaur egun desagertuta dagoen erakundearen sorrera garaitik 1992ra arteko aldia hartzen duten lehen zortzi liburuen lana askoz lehenago hasi zuen soziologo eta kazetari Luis Nuñezek koordinatutako talde batek. 2000ko hamarkadan beste hiru liburu plazaratu ziren, kontakizuna Lizarra-Garaziko prozesuaren amaierara arte eraman zutenak. Une honetan, Euskal Memoria fundazioak egokitzat jo du obra hau amaitzea, beste hiru liburukiren bidez, ETAren ibilbidearen bukaerara iristeko. Hona hemen hiru liburu horietako lehena. Lan honek 2000 eta 2003 urteen arteko aldia jorratzen du, gatazkaren azken hamarkadaren lehen atala: Lizarra-Garaziren ondoko ziurgabetasunetik “Orain Herria, Orain Bakea” prozesura bitarteko zubia. Orriotan garai hartako gertakarien kontakizun xehea, testuinguru politikoa, interes handiko datuak eta hainbat agiri aurkituko dituzue, Euskal Herriaren iragan hurbila ulertzen lagunduko dutenak.