Dantzatzeko elkarri heltzen diogunean, musika doinu bakoitzean salto egiten dugunean, bertsoetako bakoitzean ahotsak bateratzen ditugunean eta trago eta jolas bakoitzean elkartzen garenean egiten dugu herria.
Erraldoiekin batera birak ematean, sokatiratik tira egitean, eta joareen kolpe bakoitzarekin egiten dugu Atarrabia.
Herria batu eta herria egiten duen Atarrabiako Eguna.
Urteurrenak ospatu ditu Atarrabiako Egunak, belaunaldi aldaketak, baina aurten inoiz baino gehiago balioan jarri nahi dugu herria egiten jarraitzen duen oro. Geroz eta bakartiagoa den gizarte honetan, inoiz baino baliotsuagoa delako elkartzearen alde egitea.
Erraldoiak altxatzeagatik eta kilikiak janzteagatik, elkarte bakoitzean komunitatea sortzeagatik; musika, alboka, txistu eta txaranga, dantzari eta abeslari; ikusle eta parte-hartzaile, boluntario eta langileengatik
Herria egiten, maitasunez eta bihotzetik.
Zuei guztiei esker eta zuekin batera egingo dugu topo, beste behin ere, Atarrabiako Egunean.
Hamaika gara, baina elkarrekin bat!
HELDUENTZAKO MENUA · 25€
Iberikoak
Entsalada mistoa
Bakailuz beteriko piperrak
Txerri sahieskiak parrilan
Limoizko sorbetea cavarekin
Ogia, edariak eta kafea
Aukera beganoa
Kroketa beganoak
Entsalada mistoa
Barazki menestra
Lasaña beganoa
Limoizko sorbetea cavarekin
Ogia, edariak eta kafea
HAURRENTZAKO MENUA · 10€
Iberikoak
Urdaiazpiko kroketak
Hanburguesak parrilan patatekin
Izozkia
AUTOGESTIONATUA · 2€
Aulkiak, mahaiak eta ogia
Txartelak eskuragarri Basajaun tabernan irailaren 5a arte!
Atarrabiako Eguna, irailaren lehendabiziko asteburuan, Etxe Beltza Elkarteak antolatzen duen euskal jai eguna da, euskal kultura sustatzeko helburuarekin, eta nola ez, herriko kolektibo eta bizilagunen arteko harremanak sustatzeko eta egunaz elkar gozatu ahal izateko.
1983an hasi zen, eta urtez urte, antolatzaile, laguntzaile eta kolektibo kulturalak bultzatuta, joan da osatzen, gaur den hain egun esanguratsua lortu arte. Izan ere, egun horretan, Etxebeltzak eskuz esku lan egiten du euskal kultura bultzatzen duten herriko beste talde, elkarte eta herritarrekin, eta Atarrabiako kolektibo guztiei parte hartzeko parada ematen zaie, adin guztietako jendea bertara hurbil dadin.
Hori dela eta, eskerrak eman nahi dizkiegu ibilbideari ekin zioten persona eta talde guztiei, bai eta denboran zehar ibilbideari eusteko eta aurrera egiteko lan egin dutenei ere. Atarrabiako egunarekin, ikustarazten da, gure herria bizirik jarraitzen duela, euskal kulturaren alde lan egitea gustatzen zaigula, bainan batez ere, euskal kulturaz gozatzea maite dugula!
Amaitzeko, jai honetan parte hartzeko aukerarik izanen ez duten pertsonak gogoratu nahi ditugu, eta zuri, ongi pasatzea eta momentu ederrak bizitzea opa dizugu!
